المذيع : اعزائي المشاهدين معانا النهارده مجموعه من الشباب والبنات تقريبا سنهم بين 18 و 25
مصاء الخير يا شباب
الشباب: الحقوا ده تليفزيون بيصور هاي يامذيع
المذيع : احنا النهارده حلقتنا عن العادات والتقاليد المستورده من الغرب
الشباب : ايه يا عم المذيع ماتتخليك فرش كده انت واخدها افش ليه كده ؟
المخرج: ستوب ياجماعه ياشباب براحه شويه علي المذيع وركزوا شويع معانا في الحلقه الله يخليكوا عايزين نخلص ونروح نشوف عيالنا يلا اكشن
المذيع: مره تانيه اعزائي المشاهدين معانا مجموعه من الشباب والبنات من احدي النوادي المشهوره اوي في القاهره
وبنسال الشباب ايه رايكوا في مايحدث في الفضائيات والكليبات والافلام العربيه ذات الطابع الغير هادف بالمره ؟
الشباب : اه الكليبات دي بقي حاجه جامده اوي بتوريك الي عمرك ماشفته ومش هاتعرف تغمض عنيك ولو هاتموت وكنت عايز تنام
المذيع : طيب ياجماعه انتوا مش شايفين ان ده حرام وبيغضب ربنا وبيبعدكوا عن انكوا تعملوا حاجه مفيده او هادفه؟
الشباب :والله احنا كده كده ضايعين ومش فارقه كليبات او افلام دي حاجه ينروش بيها عن نفسها احنا لسه شباب وصغيرين هانخنق نفسنا ليه ؟ وبعدين انت هاتعملنا فيها شيخ ولا ايه ؟
المخرج: ستوب ياجماعه ياشباب ارجوكم احنا عاملين حلقه منكوا وليكوا خلوها تعدي وقولوا كلمتين كويسين وخلاص علشان نخلص انا جعان وعايز اروح بقي
الشباب: خلاص يامان يلا قول اكشن بقي
المذيع: ومعانا البنات مره تانيه وبنسالهم
ايه رايكوا في الكليبات علي القنوات الفضائيه ومامدي تاثيرها عليكن ؟
البنات: طبعا احنا لما تكون قاعدين في البيت بيبقي قاعدين ادام قناه الكليبات دي بتجيب شويه كليبات جامده موت
انت شفت اخر كليب لــ.... كانت لبسه حتت بودي وبنطلون جينز اوف هايتقطع عليها بس كان تحفه
المذيع : طيب ايه الي بتستفادوه من الفرجه طول النهار علي الكليبات والافلام الغير هادفه ؟
البنات : عادي بنشوف اخر صيحات الموضه والميكب واللبس الجنان الي بيلبسوه
المذيع: طيب يعني انتوا ممكن تقلدوا البس ده والمكياح والمكيب ده ؟
البنات: طبعا اكيد لازم نمشي مع الموضه يعني نكون دقه قديمه ونلبس طويل ومقفل !!
المذيع: طيب بالنسبه للاغنيه نفسها ككلمات والحان ايه رايكوا فيها ؟
الشباب: بالنسبه للموضوع ده بقي الالحان بقت روشه اكتر من زمان يعني مثلا كان زمان ماكنش فيه Rock ولا سالسا في الاغاني العربيه كان المغني يطلع علي المسرح ويقعد يعيد ويزيد في نفس الكلام ساعه او اتنين
طيب واحنا فاضيين بقي للكلام ده ؟
المذيع: كان هذا بعض من الشباب والبنات ولا عزاء للامه العربيه
الشباب والبنات : يلا ياعيال ده شكله برنامج معقد ومذيع متخلف وهايخنق علينا يلا هانروح فين بقي
واحد من الشباب: يلا ياجماعه نروح بقي عايز انام
واحده من البنات: ايه ياعم انت هاتقلب بدري ليه الساعه لسه 2وربع
المخرج:...........
المذيع:...........
منقول
موضوع: شباب وبنات هذه الايام 
الثلاثاء فبراير 19, 2008 3:45 pm
